ठक :: जगदीश मण्‍डल

ठक

एकटा ठक लोमड़ी गाछक निच्चाँमे छल। गाछपर बैसल मुर्गाकेँ पट्टी दऽ रहल छलै जे भाय तूँ नै सुनलहक जे सभ पशु-पक्षी आ जानवरक बीच सभा भेल। जइमे सर्वसम्मतिसँ निर्णए भेलै जे अपनामे कि‍यो ककरो अधला नै करत, तोँ किएक गाछपर छह निच्चाँ आबह आ दुनू गोटे अपन जिनगीक दुख-सुखक गप-सप्‍प करह। लोमड़ीक चालाकी मुर्गा बुझैत छल तँए गाछेपर सँ हूँह-कारी दैत रहै मुदा निच्चाँ नै उतरै। ताबे दूटा आवारा कुकुड़केँ दौगल अबैत लोमड़ी देखलक। कुत्ताकेँ देखते पड़ाएल। लोमड़ीकेँ पड़ाइत देखि‍ गाछेपर सँ मुर्गा कहलकै- “भाय, भगै किअए छह? जखन सबहक बीच समझौता भऽ गेलै तखन तोरा किअए डर होइ छह?”

लोमड़ी भगबो करैत आ उत्तरो दइत- “भऽ सकैए जे तोरे जकाँ ओकरो नै बुझल होय।”